وہ کہتے ہيں رنجش کي باتيں بھُلا ديں
محبت کريں، خوش رہيں، مسکراديں
غرور اور ہمارا غرور محبت
مہ و مہر کو ان کے در پر جھکا ديں
جوانی ہوگر جاودانی تو يا رب
تري سادہ دنيا کو جنت بناديں
شب وصل کي بےخودی چھارہی ہے
کہوتو ستاروں کي شمعيں بجھاديں
بہاريں سمٹ آئيں کِھل جائيں کلياں
جو ہم تم چمن ميں کبھی مسکراديں
وہ آئيں گے آج اے بہار محبت
ستاروں کے بستر پر کلياں بچھاديں
بناتا ہے منہ تلخئ مے سے زاہد
تجھے باغ رضواں سے کوثر منگا ديں
تم افسانہ قيس کيا پوچھتے ہو
آؤ ہم تم کوليلیٰ بنا ديں
انہيں اپنی صورت پہ يوں کب تھا
مرے عشق رسوا کو اختر دعا ديں
 |
| اختر شیرانی |
کوئی تبصرے نہیں:
ایک تبصرہ شائع کریں